"Jas zańgerler palatasy" qoǵamdyq birlestiginiń tóraǵasy Saǵıdolla Mútıǵollauly prezıdent Qasym-Jomart Toqaevtyń 2020 jylǵy 1 qyrkúıektegi "Jańa zamandaǵy Qazaqstan: İs-qımyl kezeńi" joldaýyna qatysty pikir bildirdi.

– Prezıdent Qasym-Jomart Toqaev parlament palatalarynyń birlesken otyrysynda birshama máselelerdi kóterdi. Iaǵnı pedofılderge zań qatańdatý, aýyl ákimderin halyqtyń saılaýy, onlaın petısıaǵa qol qoıatyn biryńǵaı platformanyń ashylýy t.b. Joldaýda memleket basshysy balalar quqyǵyn qorǵaý jáne olardyń qaýipsizdigine asa nazar aýdarý kerektigin basa aıtty. Men bul bastamany tolyqtaı qoldaımyn. Qazirgi ýaqytta bul óte ózekti problemaǵa aınaldy. Jalpy biz kámeletke tolmaǵan balalarǵa qatysty qylmystyq jaýapkershilikti qatańdata otyryp, ony is júzinde iske asyra bilýimiz qajet, – deıdi ol.

Ol prezıdent Joldaýynda qaralǵan máseleler sóz júzinde emes, iste nátıjesin kórsetýdi atap ótti.

– Meniń oıymsha mundaı balalardyń quqyǵyn taptaǵan pedofılderge aıaýsyz jaza qoldanýymyz tıis. Árıne, biz jaqsy bastamany qoldaımyz, biraq munymen zańgerler tyǵyz jumys jasaý qajet, – dep atap ótti Saǵıdolla Mútıǵollauly.